Të qenit kaq pranë damarëve të mëdhenj të nënvetëdijes njerëzore si ai i erosit e ka bërë nudon një damar të arteve figurative me prurje të bollshme dhe me mundësi të bukura për gjykime nga pozicioni i avancuar i krahasimit që ka edhe kundërshtarët e vet tek "mbi shijet nuk diskutohet" apo si i thotë latini 'de gustibus non est disputandum', apo dicka e tillë, dhe tek "vota ime është sa e ...." të njeriut që shuan etjet në vrulle dixhitale.
         Erosi i vogël lozonjar që i fluturon hyjneshës Afërditë përqark dhe u ngul shigjeta përzhitëse lakuriqëve, kudo që janë, u përzje edhe me penelin dhe i çoi artistët në gjetjen e nudos. Fillimisht kur bridhnin lakuriq nëpër gryka malesh nuk e vlerësonin shumë këtë gjetje, por pastaj kur u mbuluan dhe vunë rregulla strikte për organizimin e  marrëdhënies seksuale e morën me qejf edhe nudon, megjithëse mund ta pësoje keq prej posedimit të tyre; në situata të caktuara e kësi historirash.​

Leka pa shumë gaz në mend i qaset nudos me eros centrifugal
​Personazhet e tij kanë fytyrë të pakët. Në piktura theksohen prani të tjera identitare. Humore, tipare, ngjyra të theksuara ose errësi. Forma plot, bollake. dhe forma të tjera plot e plot? Një melankoli reflektive mban qëndrime. Ato janë shpesh dëshmi të lidhura me një rrëfim.
Theksimi e dramatizimi i njerëzores janë një mjet, por edhe një masë që i imponohet autorit. E mban atë lidhur me ngjyra e forma. 
Gjithësesi, shumësia e materialit figurativ e bën autorin ta kapërcejë masën dhe ekspozita të plotësohet me larminë e gjallërinë e tij.
Dhe ja ku gjendemi mu përpara nudove të Gazmend Lekës. Nudo në ciklin me emër kaloi një grua, që kish qenë edhe emri i një seriali të televizioneve ca vite më herët. Një grua? Ato janë të paktën 12 dhe të shumtën 27. Si janë ato një?
​Kaloi është një nga foljet me më shumë kohë në formimin e vet. vetë koha kalon. siç tha vetë autori në emisionin Artes të Elsa Demos: "e kaluara nuk ka kaluar, të paktën jo aq shumë." Megjithëse, bëj shaka, nuk e tha.
Apo e tha? Nuk e di. Të gjithë e dinë sa e pamundur është të kuptohet artisti.
Dhe koha tregon se ashtu siç kaloi edhe kjo grua, kaloi edhe kjo tjetra dhe kjo tjetra dhe kjo tjetra dhe kjo tjetra. Ato ndryshojnë prej njëra tjetrës nëpër tre dhomat e galerisë Fab në kurriz të Universitetit të Arteve, shpërndarë prej kuratorit Ermir Hoxha.
Por fatmirësisht nudo lejon secilin ta kërkojë shijen e vet. Ja, një kërkim i shpejtë nëpër onlajnin e madh ofron një ushqim të shpejtë për krahasime e pozicionime të veprës së Lekës.
Me gjashtë klikime arrin nga territoret e vijës teke tw Zamfira Hetws deri tek hiperrealizmi i Ilir Pojanit, nga seksualiteti i Puleshit tek grafia në grafikë (që i shërbeu si poster ekspozitës për nudon të galerisë Kalo nga ku janë marrë shumica e fotove ilustruese,) nga zhytja në ardhmëri e kësaj  nudoje të Maks Velos e deri tek zotërimi ultrakoshent i tanisë prej Mimoza Ahmetit apo dorëzimi në krahët e tanisë prej Gjovalin Pacit.  
Duke mëshuar i njerëzores zoti Leka  gjen edhe teprimin e nevojshëm për kuriozimin e shikuesit edhe mjetin për ti lidhur spektatorët me figurën dhe veten. Marrëdhënia dashamirëse që Leka krijon me personazhet e pikturave gjithashtu e lehtëson krijimin e urës së veprës me shikuesit.
Nudoja mashkullore është fare e pakët, madje unikale, dhe ka si majë ta aksionit këtë ketrush kalëruar mbi zombin e një kërmilligjarpër ekzekutuar nga zoti Leka. Duke pasur parasysh se bëhet fjalë për një kulmim unikal na duhet të hetojmë më shumë, ç'ka rastis të jetë edhe me dobi për vëmendje; 
Ndaj po ju tregoj se personazhi të cilit i përket ky penis është ky zotëria këtu:
Picture
Pasi kemi shfrytëzuar mundësinë për këtë shaka, na duhet të kujtojmë se per fat të keq askush nuk mund të akuzojë zotin Leka per seksualitet me paturpësi të tepruar në pikturat e tij. Ai është aty duke punuar, ndonjëherë duket si një murg, që siç dëshmon edhe shqipja nuk është veçse një idhtar i mur-it.
Natyrisht një shumësi autorësh të mbështetur edhe prej simpatizantësh do të jenë të mendimit se më të mirët duhen ende përfshirë. ata janë të ftuar ti përfshijnë vetë nudot e preferuara si koment këtu  apo në promovimin në facebook.