Shtjellime zgjedhore orë pas ore 4

​Erdh pranvera me jeshile,  
I rashë bahçes për midis,
Prap e prap.

​Në prill vijnë zgjedhjet dhe Marsi i ka korrur fitoret e para. Ka nisur fushata. Kanë prezantuar listat e kandidatëve dy partitë e mëdha. Karakteri personal po tërheq fushatën. Rama sapo e ndjeu këtë trend të lëvizjes së vëmendjes popullore çeli fushatën me foto ku me imazhe viheshin përballë kandidatët dhe krenohej me të vetët dhe shpotiste egërsisht kundërshtarët ndërkohë që tërheq vëmendje tek ca figura ndër të vetët.
Fushata nisi me një grup ftesash dhe fap dy zonja që tre muaj më herët nuk ishin asfare në listën e dhjetë alternativave të para për 20 vendet e para në listën optimiste janë tani aty, në vendet e para. Dakort ka hapsira në legjislacion që lejojnë për një përzgjedhje më të kujdesshme në zgjedhje, por kanalizimi i vëmendjes është interesant. Për më të marrë angazhimin e kandidatëve më agresivë ata vihen përballë detyrës që të kontaktojnë personalisht. Të angazhohen vetë.
 Njeriu që nuk merr fort vesh nga këto punë e bëhet disi serioz hap google-in dhe kërkon lista e mazhorancës. Direkt e ndër të para ps.al ofrohet për informacion.
Dhe i pari qark, Berati, si pasardhës i A së që nuk ka la bij në shkronjë të shqipes e i pari emër në të, zonja Hatixhe Konomi. Prej padijes të mjaftueshme për zhvillime ndër socialistë futem unë prap te guglli dhe del një cv e saj prej kohësh kur kishte qenë kandidate në zgjedhjet lokale për anëtare e këshillit bashkiak. Aty pak bëhej fjalë për kontributet e saj në politikë. Një cv e një njeriu të përshtatshëm për tu marrë me politikë jam dakort, por një cv të tillë nuk është fort e vështirë ta gjesh. Pra, pa shumë angazhim politik, ose të paktën jo të theksuar a përmendur. Hajt thashë se po zbres më tutje. Edhe aty kontributet e saj profesionale sërish relativisht të hasshme. Zbres unë vijë pak më poshjtë aty, gjeneral brigade Bardhyl Kollçaku. Gjeneral Brigade, Shef i Shtabit të Forcave të Armatosura për ca kohë. Heu thashë unë. Depolitizimi i ushtrisë arriti kulmin me militarizimin e politikës? Direkt më shkoi mendja në Mianmar, ku ushtria ka ca javë që po implementon një grusht shteti. Por pastaj mendova që ripolitizimi pas depolitizimit nuk është problematik. Dhe kjo është vetëm një rastësi. Si njerëzit që zbulojnë besimin latent pas një ateizmi të gjatë.
Ata që nuk marrin vesh shumë nga politika e brendshme do çuditeshin. Ja një situatë hipotetiko-fiksionale:
Vjen boti, reporter nga Suedia. Shko i thotë shefi e shih një herë si po i reflektojnë rekomandimet e BE-së shokët e mesdheut paralindor. Vjen ky bashkë me një shok nga një vend aty afër. ‘Shiko ndonjërin aty te lista, mos marrim vesh ndonjë gjë’. - i thotë ky. Kë? - i thotë, ky tjetri. Hajt më kë të duash, dikë nga mesi. Shiko 37-ën, - i thotë ky a ka ndonjë 37?  Po i thotë ky në Tiranë 37 është Tahir Muhedini. Ja ta guglloj një herë thotë ky tjetri tjetër dhe fap. Çam aktivist i PDIU-së, por i ramë në konflikt me politik me kryetarin e vet që aderon ka ana tjetër.
No i thotë ky i pari. Yes i thotë ky i dyti. No no, symbolic , i thotë ky, pastaj shton - no, nonsymbolic. Report the fucking neës aggravation situation, Greece, Turkey, EU, Arabia Saudita, pandemi. No, i thotë ky i dyti, Yes  thotë ky i pari. Ndërkohë nga hiçi vjen propozimi për përfshirjen e turqishtes në lëndët me zgjedhje dhe ai arabi i portit. No i thotë ky, yes i thotë ky tjetri. Election situation influation, money? No i thotë ky, yes i thotë ky tjetri. Ndërkohë në televizor ktij me tuta blu i vinte një grusht.
Po i 36-ti kush është 36-ta. Hap ky faqen e parlamentit gjen Valterin, kryetari i Forumit Rinor të Partisë Demokratike, dega tiranë njësia numër shtatë. No i thotë ky i pari, yes i thotë ky i dyti, që pastaj shton - Hoë come? Kushedi I thotë ky i pari ndoshta shkëmbejnë pengje?  Jo i thotë ky nuk ka kuptim. Pastaj nuk janë të tillë shqipëtarët. U më fal i thotë ky dhe e lejnë punën e dalin për një gotë.
Por ne që nuk dalim dot, se na ka kaluar orari?
Për ata që i ka kaluar orari, diktatura komuniste mban gjithmonë. Zonja Bozo ka marrë detyrën e rëndë të provokimit të situatës për debatin mbi të kaluarën  në përgjithësi.
Ndërkohë, për Berishën kanë nisur dy mesazhe. Edhe pasurimi i dhëndrit me një pronë në trojet e klubit Partizani edhe të të birit me përzierien në Gërdec, e aksident/vrasjen e dëshmitarit Trebicka ja sollën ndërmend atij dhe publikut. Ndërkohë Meta lufton për të drejtën e administrimit të zyrave me organet kompetente të pushtetit lokal, del e si  burrë desh ja qiu robt policit bashkiak vetëm se e mbajtën çunat, ndërkohë njëri nga çunat ja qiu robt policit pashkiak. Unë të isha socialist e kisha padit për mos kallzim krimi shokun president. Ai të paktën duhet ftuar të dëshmojë në gjykatë. Direkt para zgjedhjeve. Në polici ta ftoni e ta pytni e ta xhironi fshehtas me celular dhe ta nxjerr dikush në media. Si ja pat ba ai dikur berishës. Megjithëse me presidentin mund të jetë më e vështirë.
Por jo kulmimi i pranverës, vetë dita e verës, që këtë vit qëlloi një ditë të ftohtë me gri të thëllimtë. Në Elbasan. të dy palët thanë se do të djegin kurbane me mish që ti shkoj tymi zotave deri lart. Mazhoranca qeverisëse me kontakte të shëndetshme në fushën e drejtësisë ka edhe legjitimitetin e ushtrimit të dhunës, po edhe këta çunat e kanë pas ditën e vet e ndoshta do ta kenë prap, sado e largët që të jetë ajo, apo jo?
Një çetë të fortësh, që si gjithë populli i qytetit po gjesdiste nji ditë dile, dit zamani, që ishte edhe dita e verës mu në bulevard, mu për karshi ku ka qenë muri që i runte prej të keqes kur ishin ma të ri banorët e qytetit. Mu ke turizmi, dalin, nime, kta çunat që kishin taku Bashën se ishin më të djathtë të spektrit politik vendor. Sa dalin aty nalt, ke shkallët, edhe ca shokë i kish aty poshtë, shohin Ramën krenar që sajdiste të madh e të vogël që i bashkohej në marshimin kolektiv drejt hyrjes së kalasë edhe i thojnë Rama ik eeee Rama ik. Mos mer se ma prishët një mendim shumë të bukur i tha Rama që brenda maskës, pastaj si me vete shtoi,  thuaji atyre ta mbyllin gojën. Si për dreq mikpritësi e dëgjoi dhe djalit që i rrinte pranë i thotë, thuji cunave t’ja mbyllin gojën. Toga e mobilizuar terrorizoi mbështetësit të cilët nuk e dinin se provokimi i tyre kishte qenë i kësaj kategorie u tkurr me alarm. Dora në zemër kryministri tha se rivaliteti politik nuk kishte pse derdhej në jetët jashtëpolitike, por cunat u ngutën. Epërsia e dukshme na bën që të preferojmë shokun gardist që vërtetë mund të të kapë për leckash e të të shkundë, se fundja edhe ti punët e shtetit po bën, por edhe në rastet ekstreme kur Berisha reralizonte ëndrrat e veta me një vullnet të iluminuar që imponohej suksesshëm, ata nuk vepronin në kushtet e një epërsie të tillë. Përmbahej një lëvizje, shtyhej një turmë.
Pastaj opozita bën gati një video ku u tregu se ky osht ky e ky osht ky.  
Dakort një keqkuptim në zinxhirin komandues, por vetë zinxhiri është në kufijtë e absurdit. Por ky prokurori që do fliste me Metën duhet të takohet edhe me këta liderët që gabimisht përcollën një ndjenjë që në fakt ishte më e ëmbël, por ata kujtuan se është agresive dhe kishin shumë epërsi.
Dhe me 'ditën e verës', pranvera mbaron dhe fillon vera.
Në verë punohet. Të gjithë që rregullojnë shtëpinë në verë e bëjnë.
​
Vetë Partia Demokratike më pak ka qenë e aftë të imponojë kandidatët në vëmendje të publikut. Ata përzihen me analistë dhe kanë njëtrajtshmëri të diskursit të tyre. Ndoshta edhe ndikim i pakët në media e shtyn atë drejt një mbështetje më të madhe tek lideri që nga ana tjetër do të sillte rikthimin e vëmendjes tek rivaliteti i tij me Ramën, por mbështetja e madhe tek lideri nuk mendoj se duhet të jetë strategji e PD-së. gjithësesi është për tu përshëndetur paraqitja në Socialistët që po prezantohen me kryetarin si një moderator prezantimesh publike duke mpakur plotfuqishmërinë e tij partiako/ekzekutive në sytë e publikut, ashtu edhe demokratët duhet ta sjellin më shumë në vëmendje në këtë alternativë dhe frymën e saj. Dakort pare e influencë kanë peshë, por diçka duhet me ba. Prania e Bashës në krye të listës për Tiranën është një simbolikë të cilën Rama e përball me përfshirjen e vet në dy qarqe, si i teti. Duke u përpjekur të maksimalizojë kontributin e vet për numra.
Shumësia e qasjeve të Ramës në fushatë është mbresëlënëse dhe besoj që do të ketë rezultat. Në një zhvillim të vetëm siç është fushata ke shefin e shtabit, zonjën  populistikisht të moshuar e kontraverse, administratorin publik seriozisht nga më të suksesshmit në vend, ministrin energjik e të gjithëpranishëm, sipërmarrësin me eksperiencë jashtë, dhe aty ke edhe fondin relativisht të rëndësishëm të rindërtimit që mundësoi tërmeti, bashki disi më aktive, dhe më shumë investime në qendra urbane, çunat që çmontojnë nofulla dhe shesin e blejnë njerëz e gjëra që ta turbullojnë gjykimin, dhe pare e madhe që për tu la, derdhet gjithkah, sulme mbi kundërshtarët me çështje inkriminuese nga e kaluara, provokim të temperamenteve e kështu me radhë. Por këto janë detaje.
​
Pavarësisht zhvillimeve mediatike, që gjithësesi kanë rolin e vet, mendoj që do të kemi një parlament cilësisht më të mirë se i kaluari. E në fund të fundit do të kemi një parlament.
Dy partitë kanë lista me kandidatë seriozë dhe padyshim që parlamenti do të jetë më elokuent e ndoshta do të arrijë një pavarësi më të madhe nga kryeministri apo ekzekutivi. Përveç rasteve kur kjo është absolutisht e panevojshme. Prania e profesionistëve e administratorëve të aftë e të suksesshëm nuk është larg damarit kryesor të PS-së. Shumë prej kandidatëve kanë eksperiencë profesionale e aktivizmi.
Shumica e reformës në drejtësi do të jetë kryer dhe gjithçka do të jetë shumë më mirë. Drejtësia e re po krijon edhe eksperiencën e saj social-politike. Besoj që kjo është një siatuatë optimale.
Çudia mbetet pse një burim kaq i madh energjie e optimizmi si zgjedhjet shfrytëzohen nga ne kaq rrallë? Një herë në katër vjet. Pa u djeg vendi një herë nuk ka zgjedhje të parakoshme.  Boni mer zgjedhje! Që për këto zgjedhje unë dua zgjedhje të parakohshme. Pse mos i bëjmë këtë të dielë? Ne e dimë tani gjithë historinë. Fletët e votimit me siguri janë printuar e janë gati diku. Krijoni komisionet deri të enjten dhe hajt. Zgjedhje të parakohshme! Zgjedhje të parakohshme!
Ose, të paktë të fillojë festa e fitores.