Provë për përrallërizim të jetës politike vendore në verë

Qershori, ky muaj i parë i verës, pasi i fali javën e parë majit, nisi i zakonshëm.
Në Kosovë. Serbët thojnë që Kosova është e jona deri në amëshim megjithëse ne po vimë në Uashington ta flasim edhe me zotin Grenell këtë muhabetin e territoreve. Meqenëse na ka ftuar vetë shkëlqesia e tij Trumpi, miku i fortlumturisë së tij Putinit, dhe zgjedhjeve të afërta.
Na zemërojnë gjermanët, që nxjerrin shkëlqesinë e tij ministrin e jashtëm që të thotë për ne shqiptarët se nëse qenkeni kaq gomerë sa të ikni t’jua shalojnë edhe një herë miqtë tanë të përbashkët, jeni shumë të mirëpritur.
Por jo. Kosova një vend i qeverisur e i mbështetur në masë të madhe prej  Bashkimit Europian që edhe gjujtjen me kallom me ligj e rregullon, paska qenë çiflik i një kusarit të krisur që ka bërë mënxyra si një i dalldisur shkretëtire në shekullin 15-të.
Mbas 20 vjet vëmendje vendimarrëse, trojka SHBA, BE, UN, që kalonte nëpër pyllin me borë vendosi ta shpallë presidentin e shumë mbështetur e fuqiplotë deri më atë çast si të dyshuar kryesor për 100 vrasje e rrëmbime. Veshkat ja ka shit robit, thojshin ata të tjerët.
I thotë ky i Kosovës, po ne a n’bes tate kemi kanë, a nanën ta qifsha. Drejtësia e vonuar asht drejtësi e mohuar, shoqi jem. 20 vjet ke dalë në fotografi me burrin e huj nëpër inagurime e ai paska pas qenë nji kusar i tërbum që ka vra 100 veta dhe pastaj 100 të tjerët e shpallën mbret.

• Ç’a kar bese, mer, i thotë ky i huji e vazhdon, - ti kte m’ke dhanë, kë doje ti?

E i uli syt ky kosovari për tokë e tha me vete, - ndoshta do kalojë, sido që të jetë nuk mund të jetë asgjë më shumë. Ne edhe qaq t’pjekt e të kënum nuk jemi. Ishalla kush na ka në dorë po e ven dorën në zemër e bahet mirë. Edhe pa një plis e tha po e djeg se pale asht qymyr. Edhe ai vërtetë qymyr kish pas kanë e u ba xet.

Kish pas ardh korriku dhe kryeministri kosovar Avdullah Hoti erdhi në Tiranë. Vizita e tij inaugurale. Vizita e parë jashtë vendi e këtij modesti ngadhnjimtar. Dhe kërkoi që ti mundësonim një hidroçentral dhe ti jepnim një doganë në port për shtetin e tij të Kosovës.
Shka osht kjo bre vllau jem?

Ti me kërku me u trajtu si gjithë populli boll asht!

Për kan e lyp ti ket hidroçentral kur mund të kërkosh ujë e dritë prej burimit të përbashkët si gjithë populli? Me pare në dorë, natyrisht. si gjithë populli. Edhe ujit po i bane një va ne e ndajmë se ai në det derdhet shpesh. Në njëfarë stine, ti merre e ruje dikah.

Ti ta kishe mbështet kompaninë kosovare të energjisë ta merrte një hidroçentral si e mori Kurumi turk e vllezërit e një shokut të ktij që ishte aty? Po e kishe mendjen dikah tjetër. MMM!?

Dhe tani na vjen në mes të një situate të çuditshme ku ndërmjetësohet një marrëveshje e panjohur në Kosovë. 
Jo, po, po ju sjellim tetëdhjetë shqiponja dykrenëshe të gjalla që janë prodhu në një laborator biologjik në Kinën veriperindimore.
Shyqyr, shoku Edvin i tha Avdullahut, - “Dil pak këtej ti,” dhe mori mikrofonin dhe i kënoi një kangë Hashimit të nanës, përfaqësuesit politik të forcës që luftoi për çlirimin e atdheut.
Ai është i pafajshëm, thoshte kënga.
Dhe në fakt, ndoshta është, por interesante.
Personalisht mendoj që mirë që nuk u morën vesh për këtë marrëveshje, pse u dashka arrit mandej me u marr vesht, ku duhet që që në fillim me u marr vesh bre vlla.

Në Serbi milosheviçjani titist Vuçiçi fitoi zgjedhje në mazhorancë pa opozitë hiç. Edhe atje një opozitë që po të hynte në zgjedhje rrezikonte të humbte edhe më thellë, por ajo që ka rëndësi është që serbët ende nuk e shikojnë që kjo influencë e madhe e një tematike në të cilën bëhet fjalë për  një vend të huj po i shpërqendron fort.

Por jo, ç'shtë më e keqja ai e rrëmbeu rapsodin e verbër për krahu dhe dolën e do bëjnë veç hidoricentralit e doganws edhe njw hekurudhw, kur akoma nuk po nxjerrin paret që ai plaku i keq i pat derdh pa kursim, pa na tregu se për çfare marrëveshje bahej fjalw?
Avdullah. Nuk je fare simpatik. Dhe kërkesat e tuja na e rrisni mallin për shokun Albin dhe rigjenerimin e arsyes politike. Kjo është ide e sektorit te marrëdhënieve me publikun në ekipin e drejtuesit të zotit Hoti.

Zoti Rama që nuk do të shqetësohej fare nga fotografimi pranë zotit Trump me çitjanet me motive nga lloj lloj tabani popullor që aq rehat ti mbajnë koqet me një zell kaq të madh e mori këtë kangë sa në shqetësoi. Por një hekurudhë me Prishtinën për mendimin tim ta shtrini te njëra nga korsitë e rrugës së kombit.

Prit or ti, mos u merr me rrugë tani!
Ndërkohë dheu amë lëviz ngadalë.
Mëma Shqipëri, si një fokë bebe e paqsorit që sulmohet nga lakuriqë nate, përparon. E shkreta, nuk do t’ja dalë kurrë të hyjë në arenën e rehatshme të akuaparkut në qytetin bregdetar të kësaj bote.

A ndjehet një theksim i elementit europian në jetën politike të vendit? Veprimet ndjekin atë rrjedhë, qoftë edhe pak për andej, ndërkohë që informacioni i brendshëm ka pak iluminim. Por edhe elementi europian në politikë e ka të vështirë të kapërdihet. Për tu hapur negociatat u kërkua:
Përndiqni gjykatësit e provuar në gabim!
Dënoni atë që është ngatërruar me zgjedhje!
Prona. etj.

Po gabimet, a duhen korrigjuar, apo vetëm do ndëshkojmë të zënët në gabim? Si e ka ligji? Rasti i të përndjekurve politikë nuk na informoi shumë? Ne mezi po ndahemi nga një e kaluar që as nuk e mbajmë mend mirë, e lëre të ndahemi nga e kaluara që jetojmë.
O zot i madh!

Imagjino ti tani, në sallën e madhe e të ftohtë plot njerëz në tension e pyesin gjykatësin: ku i gjete këto 100 milion lekë zoti gjykatës? Po ja, nga përvetësimet, noj drogë, nga prona, ndonji korrupsion që kemi kap. Nga aksidentet me makina, krime ndaj personit, ja ksi senesh,  
Po ti shoku prokuror. Jo lumi, jo punëtori. Mali, pylli, përdhunuesi. Aksidenti. Malli, dogana. Droga personi, ja kto.
Po ju i nderuar, unë merrem me këtë, e unë me atë.
E ktu e aty.
Jo zotëri!
U zgjua dhe ky i drejti e tha: një rikolektivizim? Rimblidhet prona, nanën jua qifsha! Kulakë!
Kapën të gjithë gurin.

Por ja, ajo, Mëmëdheu, kur e pa shtegun e integrimit europian që gjarpëronte në atë kodër, kaq i lehtë e fatlum. Po shkoj tha dhe si djalë i ri e i fortë që ishte, me ato opingat që dinin për baltë e me një kosë në brez, i ra nga brinja. Atje kur arriti e takoi europianin. :
Oj Evropë, - i tha. Të na falësh, por ne kemi qenë në  dremitje relativiteti kulturor. Sa i hapëm sytë po vijmë kah ti, po ti me na e ba hallall, se ne kemi qenë jerm e nuk kemi ditë që kemi qenë tuj lëvrit me vërte.
Sonambul, sonambul, - frynte jehona në pllajë.
Nuk e kemi ndjerë aq shumë që po bëhej krim. Ne thjeshtë po korrigjionim një difekt historik drejt lirisë së tregut të lirë, dhe lirisë së demokracisë. Rroftë e qoftë.
Ishte thjeshtë një upgradim psikoliogjik për zhvillimet e reja globale. Se ne ishim shoqëri kolektive dhe ja sa u çkolektivizuam pak, po si fillim u çkolektivizuam komplet. Ishte një përthyerje psikologjike. Ndryshoi edhe pozicioni i gjyshes në shoqëri, lëre këta daja e halla e se çi gjeti. E shëbënë komshiun e dashur.  
Kjo shoqëri e re nuk ishte fort e njohur. Për këto krime paaftësia morale e të akuzuarve shfajësohet me një sociolog, as një psikiatër i vërtetë nuk të duhet. Për kokën time. Dhe shiko një kokë të tillë nuk e gjen dot as në koleksionet e kafkave të maorëve së largët, për kokën tim, në anglisht emrim im do ish për të kthyer “I know”, pra “e di”

Europiani e dëgjoi i qetë, The law, the money, integration, - tha.

Po i thotë ky, vetëm se ti duhet ta dish që gjykatësit bijtë e nënave, as nuk e dinin fare që kishte vërtetë rëndësi nëpër gjëra që kishin ndodhur më herët. E kishin mendjen tek e ardhmja.
Ata kanë qenë në shtrëngesë. Kush e runte gjyktësin ksi e ksi prej asaj bande kriminale që kishte kontroll mbi trafik të narkotikut njeriut dhe armës? E drejta e hakmarrjes për frenim  të vetërealizimit në devijancë, u shpall barbare, po donte dhe pak të realizohej.
Për shkak të një vakumi moral që u krijua pas një vakumi tjetër moral shoqëria shqiptare vetëm sot u zgjua e turpëruar nga gjumi. Vetëm tani, në mëngjesin e këtij korriku.
Gjynah te perëndia asht mos me e njoftë injorancën për provë pafajsie, le që nuk ishte injorancë hiç, ishte sonambuli.
Ma herët u duhej thanë, duheshin zgju, edhe Nastradini e thoshte, fëmija duhet rrahur para se të niset për pus me shtambën në shpatull. Se po e theu është e kotë ta rrahësh.
Por ne kemi vazo shumë të mirë, ajo vetëm sa humbi një copë të vogël afër grykës dhe tani është akoma më e bukur.
Na pranoni ne do korrigjohemi!!!
Shikoni pas plazhi si do jenë kafkat tona mëmirësemaoritike! Ne do ju sjellim një dasëm me daulle të çertifikuar në UNESCO. Ujë e bregdet. Rrush e mandarina e begati,  

Ps. Fotot që janë te galeria lartë janë parat që nxjerr google kur kërkon te GoogleNews: Albania, kurse poshtë kur kërkon në googlenews emrin Shqipëria. 
Fotot poshte janë foto ilustruese për një port kosovar në Durrës tek Exit, pastaj një lajm per ambasadoren Kim ne festë të kombit amerikan dhe në të fundit dëshmi të vështirësive të emigracionit shqiptar në Greqi. Atje lart ka Kovid dhe Avdullah Hoti.