ꜥ
Siç e tregon edhe kjo vonesë e gjatë, në ardhjen e këtij mujtari që unë, për ti shërbyer rritjes së tërësisë së kuptimeve në shërbim të sjelljes së popullit tonë më tepër se heroik, thashë se maji kish qenë kaq i rrëmbyer. Se maji mezi u mbush me frymë nëpër vrullin që e bëri të ikte drejt qershorit si të donte të mbrohej nga një shi që do ta treste e që do vinte i nxehtë, prej qershorit.
Por, jo. Marrëveshja për reformën zgjedhore patjetër që është një ngjarje që i përket pranverës.
Në qofte se ndonjëherë në jetën e madhe do të ketë një këngë për këtë ngjarje, ajo patjetër do të kishte fjalën pranverë diku humbur në tre vargjet e para.
Kjo është një trashëgimi që pavarësisht se kategorizohet si klishe idiotike me qëllim marrjen e mendjes së tjetrit për ti rrëmbyer shërbime e bindje, prapë mbetet një trashëgimi kulturore që patjetër e ka diku një legjislacion që e mbron.
Ç’është ky muaj? Kur ishte ky? Ku ti gjej fillimet e tua o maj, - do shkruante poeti. I nxehtë dhe me shira, korona virusi vazhdoi. Të njohurit u shfaqën nëpër lista. Megjithëse jo aq shumë. Nuk i njoh. Por a ka kuptim ky ç’interesim?, - thotë kryeministri, tashmë jo aq shpesh, megjithëse e thotë. Një krizë pritet. Ekonomike. Ndërkohë aftësitë e vendit për organizim dhe menaxhim të kujdesshëm të burimeve, e shpërndarje sipas një hiseje, që edhe ta dijë të drejtën e vëllazëroren, edhe ta dojë bijën dinjitare të dijes, Llogarinë, (që është edhe mbesë historiko-gjuhësore e ogar-it kushëririt të ugar-it. Ugar, dihet se në shqipe i thonë tokës së pambjellë, por që e çeli i nderuari plor i parmendës, pra, llogaria nuk është ndjekës historikolingustik i 'logos'-it, konceptit që shpikën grekët e lashtë dhe ju m'vu çdo përpjekje për dije, nga paraardhësi i vet linguistikohistorik, që në fakt është logu ku vrapojnë gjokt në Jutbinë,) dhe është një tjetër marrje e mendjes. (Jo, jo, se po bëj shaka. Nuk e besoj. (Për vazhdimet gjuhësore e kam fjalën.))
Dhe në fakt pati një protestë shoqërie civile me karakter rinor, që shprehu më në fund ndjeshmëri. Kjo ndjeshmëri shokë megjithëse me karakter spontan e social tregon se elektorati po bëhet gati për humor të paqëndrueshëm si çdo i ri që mëson për humoret. Oh, vota po lidhet më afër me ngjarjen e ditës dhe ky popull do të heqë dorë nga mendimi politik që i buron etërve të tëhuajëzuar prej punës me orar të gjatë, por me qëllime devijante bashkëpunimi. Do të vijë populizmi edhe këtu, e ndoshta do të sëmuremi nga këto budallallëqe në një kohë me shoqet tona europiane. Apo ka ardhur?
Sa mirë që erdhën qershitë se ky muaj do të shpallej ëndërr, nga specialistët e kujtesave, dhe do t’i çohej pallatit të ëndrrave për ta shqyrtuar. Një skandal i përsëritur që po i shqetësonte shokët e ëndrrave për volumin e madh të punës që po krijonte.
E kujtesa na tregon që në fakt maji nuk ishte fare i tillë, pra nuk ishte një fluturak pa kujtime që emigroi në ëndrra. Maji këtë vit ishte dy muaj. Ky muaj ishte i paketuar në formatin shëno një dhe merr dy.
Kanë marrë dhjetë ditë nga maji kanë shtuar dhe një javë nga qershori dhe kanë dhënë dy muaj në jetë tonë shokë. Kjo është e tmerrshme. Shokë po na e shesin stinën me gjashtë muaj. Kjo është e padrejtë. Nuk e di tamam pse, por ndjehet e tillë. Dhe për më tepër janë përzier.
Vërtetë në fillim të këtij muaj u prish teatri, pati protesta, pati lëvizje të gjithkahshme. U përfol me intensitet reforma në drejtësi. U tejkaluan vështirësitë me këmbëngulje të qartë ndërkombëtare, ndërkohë që jeta politike në vend ka nevojë që nga kjo idiotësi të dalë lavdi që shkrihet në furrnaltat elektorale për arin vendor.
A është një operacion i departamentit të marrëdhënieve me publikun në X parti dalja e zonjës ambasadore të SHBA-ve, Juri Kim, që u ankua fort për kryeopozitarin Basha kur ky nxorri punonjësin filan të thoshte se informaliteti në komunikimin e saj publik referuar atij kishte qenë i tepërt?
Doli ky, doli ajo.
Madje çudi që pati nevojë të dilte. Normalisht në një bisedë telefonike shoqes ambasadore i thuhej se përdorimi i këtij shkurtimi është abuzuar nga opozita e kjo i relaton në difektim të popullaritetit. Prandaj edhe punonjësi i X në filan media i tregon për bisedën telefonike në fakt kishte qenë.
Në fakt ai është fort i gabuar sepse Lul është një shkurtim fatlum për emrin disi të lodhshëm akustikisht, Lulëzim. Pa shtuar këtu faktin që është rrënja e lulëzimit, nuk jehonon atmosferën akute që mbart situata parazgjedhore jo aq e afërt. Ndërkohë që Lul ka fqinjësi semantike me Ded Gjo Lulin dhe Lul Berishën, një figurë fort luftarake e jetës burrnore në qytetin antik të Durrësit.
Qoftë edhe vetëm në rroga deputetësh, buxheti i djathtësirës shqiptare është lënduar fort. Ata shkojnë e nervozojnë zonjën ambasadore, të dërguarën e perandorit Trump, që mund ta çojë rajonin për riestetizim lindor duke shfaqur atë që hitorian anglez Naigel Ferguson e quan ç’interesim durimhumbur amerikan.
Por tashmë, kemi një reformë elektorale të kryer. Vërtetë do të mungojë identifikimi elektronik në një prej hallkave të sistemit, apo ndoshta një mundësi për të votuar online? Diçka e tillë. Apo donin të votonin emigrantët?
Se si e bënë nuk e morëm vesh. Ndoshta edhe e morëm edhe kjo është idiferente. Në fakt kryministri i tha opozitës që ne jemi gati ta ofrojmë përmbushjen për këtë kusht të marrëveshjes vetëm zgjidhni një ekipin që e bën këtë punë dhe bëjeni.
Në fakt një mori kërkesash të tilla sikur kanë qenë në diskutim edhe para katër a pesë vjetësh, por si duket e harruan fletoren në klasë e tani e gjetën prap. Dhe e firmosën me besimin në sy që do ta gjejnë gjatë semestrit dhe sezonit e jo vetëm gjatë pjesës së fundit të sezonit të provimeve.
Aty veç zonjës ishin edhe shkëlqesitë e tyre ambasadorë nga gjithë Europa. Vetë ambasadori anglez mori mundimin e prishi çdo festë çaji që mund t’i rrinte aq bukur atij orari në pasditen e majit të dytë për të qenë aty. Soreka lejoi të përmendej afrimi i anëtarësimit në BE vetëm prej mirëkuptimit që ndodhte ndër heronj. Se po nuk u bë refoma zgjedhore gjithçka do të shkatërrohej.
Ndërkohë, Kosova, motra fatpadalë e atdheut tonë, rrëzoi për herë të dytë aspiratat e papatura të Vetëvendosjes për qeverim. Tani kemi një qeveri të LDK-së, me titullin që zoti Kurti nuk u ndruajt ta quajë qeveria koti. Por ajo është qeveria hoti, që është edhe një djgësirë e fortë, prej anglishtes. në secilin rast djegia tashmë është aty. Zonja Osmani, emblema e LDK-së në zgjedhjet e fundit vazhdon rrugën e ftohjes me lidershipin e partisë së vet. Kandidatja për kryeministre në zgjedhjet e legislaturës në vazhdim, tani kryeparlamentare, mungoi në mbështetje të shokut Avdullah; e bashkë me të mungoi edhe shoqja nënkryetare e parlamentit. Ndërkohë që atje gogoli nuk ka emrin reformë por marrëveshje. një biçim pokeri interkontinental do jepet lajv në youtube, po kosovarët që mos mërziten, zihen me njoni tjetrin, nën orientim e shpërndarësit të letrave. Fushata është ende jshtëzakonisht largë dhe fitorja ka gjasa të mos jetë aq e lumtur. Në Kosovë kujtimi vjeshtorodimëror është më i qartë, sidomos kur nuk jeton aty. Dhe i kalohet sërish pallatit të ëndrrave për shqyrtim.
Kur fillon qershori?
Sapo Presidenti të shpallë datën e zgjedhjeve? Zemra më thotë që kjo stinë e verës që do të nisë me datën e shpallur do të jetë një muaj dystinor, muaji i madh i periudhës zgjedhore pararendëse korrik-nëntor 2020. Në dhjetor, jo në janar, mirë mars, por jo. Në mars duam një dëshmor!
220 festa fetare ka për të patur ky muaj i qershorit, megjithëse luan me tre javë, ose më pak.
Nga aty ne do të shkojmë direkt në fushatë. Madje jo, fushata ka fillu.
Pozita u shfaq me kompromisin e majit për zgjedhje, plot një muaj para precedentit me kujtimin më të fortë. Por Meta ka këtu rastin që këshilltari ligjor të rrëmonte me ngut atë pasdite. Dhe ai e gjeti hutimin e fjalisë së tejgjatë, ku një debat i nxehtë mund ti japë dritë llambushkave, që ai të mund ta shquajë prenë. Opozita e vërtetë joprotagoniste
Mirëseerdhe o qershor që tu hëngrën qershitë që në majin që vetë e rrite!
Ps. Në qoftë se ky shkrim, ndonjëherë, rastësisht, mbërrin në vëmendjen e kryministrit do ti drojtoja një pyetje. Pse nuk po shkojnë në Skavicë për të mbush digën mbetjet e tërmetit andej-këndej zoti Rama? Ose të përdoren si peshë pranë këtij hidrocentrali për ruajtje të energjisë elektrike përmes ca vincave elektrikë që e mbledhin energjinë e rënies. Megjithëse po bëj shaka se mund të jetë shtrenjtë. Ose, pse nuk po ndërton një kondrinë të vogël në një nga qendrat e jashtme të Shijakut, thërrmoji pak e bëj një mal, e mbuloje me dhe e me gomë që të rrokullisen kalamajt poshtë e përpjetë.
Zgjedhjet po vijnë, një park kondrinor në Ultësirën Perëndimore me mbetjet e tërmetit është simbolikë e madhërishme dhe mund ti prihet shiriti nga të paktën tre anë. Për më tepër, edhe tenderi nuk ka pse të ketë turp.
Ndjesë që fusim hundët se votat janë tuajat, por pas albanistikës, pasioni i madh gazetaresko-kombëtar është në urbanistikën e aplikuar.
ꜥ Fotot atje sipër janë tre të parat që dalin kur kërkon 'Albania' në google. Jo images si kërkim, thjesht all, apo 'krejt', si i thonë. Ato, dy në anë japin për tërmetin, katër e ca ballësh që ra dje. Njëra prej gulfnews dhe tjetra prej albanian daily news, që duket se e ndjen pak nevojën për thriller tërmetor. Në mes protesta kundër indeferencës shoqërore për tjetrin e dashur nga exit.al.
Kurse këtu poshtë janë, ato tre që shfaqen në kërkimin për fjalën "Shqipëri".
Ato janë foto videosh, se faqja e parë e kërkimit nuk ka asnjë foto.
Dy në anë janë nga emisioni i Top Channel, "Ç'po ndodh tani në Shqipëri", kurse në mes është një pamje e ndeshjes Shqipëri-Turqi nga 2017-ta. Në anë me kovid, dhe në mes me futboll. Vini re, shtypi i shkruar i anglishtes, dhe videoshmëria e Shqipes.Vini re xhupin e reporteres në këtë kontroll qershori. Konsultoni googlin tuaj! Flini mirë!
Siç e tregon edhe kjo vonesë e gjatë, në ardhjen e këtij mujtari që unë, për ti shërbyer rritjes së tërësisë së kuptimeve në shërbim të sjelljes së popullit tonë më tepër se heroik, thashë se maji kish qenë kaq i rrëmbyer. Se maji mezi u mbush me frymë nëpër vrullin që e bëri të ikte drejt qershorit si të donte të mbrohej nga një shi që do ta treste e që do vinte i nxehtë, prej qershorit.
Por, jo. Marrëveshja për reformën zgjedhore patjetër që është një ngjarje që i përket pranverës.
Në qofte se ndonjëherë në jetën e madhe do të ketë një këngë për këtë ngjarje, ajo patjetër do të kishte fjalën pranverë diku humbur në tre vargjet e para.
Kjo është një trashëgimi që pavarësisht se kategorizohet si klishe idiotike me qëllim marrjen e mendjes së tjetrit për ti rrëmbyer shërbime e bindje, prapë mbetet një trashëgimi kulturore që patjetër e ka diku një legjislacion që e mbron.
Ç’është ky muaj? Kur ishte ky? Ku ti gjej fillimet e tua o maj, - do shkruante poeti. I nxehtë dhe me shira, korona virusi vazhdoi. Të njohurit u shfaqën nëpër lista. Megjithëse jo aq shumë. Nuk i njoh. Por a ka kuptim ky ç’interesim?, - thotë kryeministri, tashmë jo aq shpesh, megjithëse e thotë. Një krizë pritet. Ekonomike. Ndërkohë aftësitë e vendit për organizim dhe menaxhim të kujdesshëm të burimeve, e shpërndarje sipas një hiseje, që edhe ta dijë të drejtën e vëllazëroren, edhe ta dojë bijën dinjitare të dijes, Llogarinë, (që është edhe mbesë historiko-gjuhësore e ogar-it kushëririt të ugar-it. Ugar, dihet se në shqipe i thonë tokës së pambjellë, por që e çeli i nderuari plor i parmendës, pra, llogaria nuk është ndjekës historikolingustik i 'logos'-it, konceptit që shpikën grekët e lashtë dhe ju m'vu çdo përpjekje për dije, nga paraardhësi i vet linguistikohistorik, që në fakt është logu ku vrapojnë gjokt në Jutbinë,) dhe është një tjetër marrje e mendjes. (Jo, jo, se po bëj shaka. Nuk e besoj. (Për vazhdimet gjuhësore e kam fjalën.))
Dhe në fakt pati një protestë shoqërie civile me karakter rinor, që shprehu më në fund ndjeshmëri. Kjo ndjeshmëri shokë megjithëse me karakter spontan e social tregon se elektorati po bëhet gati për humor të paqëndrueshëm si çdo i ri që mëson për humoret. Oh, vota po lidhet më afër me ngjarjen e ditës dhe ky popull do të heqë dorë nga mendimi politik që i buron etërve të tëhuajëzuar prej punës me orar të gjatë, por me qëllime devijante bashkëpunimi. Do të vijë populizmi edhe këtu, e ndoshta do të sëmuremi nga këto budallallëqe në një kohë me shoqet tona europiane. Apo ka ardhur?
Sa mirë që erdhën qershitë se ky muaj do të shpallej ëndërr, nga specialistët e kujtesave, dhe do t’i çohej pallatit të ëndrrave për ta shqyrtuar. Një skandal i përsëritur që po i shqetësonte shokët e ëndrrave për volumin e madh të punës që po krijonte.
E kujtesa na tregon që në fakt maji nuk ishte fare i tillë, pra nuk ishte një fluturak pa kujtime që emigroi në ëndrra. Maji këtë vit ishte dy muaj. Ky muaj ishte i paketuar në formatin shëno një dhe merr dy.
Kanë marrë dhjetë ditë nga maji kanë shtuar dhe një javë nga qershori dhe kanë dhënë dy muaj në jetë tonë shokë. Kjo është e tmerrshme. Shokë po na e shesin stinën me gjashtë muaj. Kjo është e padrejtë. Nuk e di tamam pse, por ndjehet e tillë. Dhe për më tepër janë përzier.
Vërtetë në fillim të këtij muaj u prish teatri, pati protesta, pati lëvizje të gjithkahshme. U përfol me intensitet reforma në drejtësi. U tejkaluan vështirësitë me këmbëngulje të qartë ndërkombëtare, ndërkohë që jeta politike në vend ka nevojë që nga kjo idiotësi të dalë lavdi që shkrihet në furrnaltat elektorale për arin vendor.
A është një operacion i departamentit të marrëdhënieve me publikun në X parti dalja e zonjës ambasadore të SHBA-ve, Juri Kim, që u ankua fort për kryeopozitarin Basha kur ky nxorri punonjësin filan të thoshte se informaliteti në komunikimin e saj publik referuar atij kishte qenë i tepërt?
Doli ky, doli ajo.
Madje çudi që pati nevojë të dilte. Normalisht në një bisedë telefonike shoqes ambasadore i thuhej se përdorimi i këtij shkurtimi është abuzuar nga opozita e kjo i relaton në difektim të popullaritetit. Prandaj edhe punonjësi i X në filan media i tregon për bisedën telefonike në fakt kishte qenë.
Në fakt ai është fort i gabuar sepse Lul është një shkurtim fatlum për emrin disi të lodhshëm akustikisht, Lulëzim. Pa shtuar këtu faktin që është rrënja e lulëzimit, nuk jehonon atmosferën akute që mbart situata parazgjedhore jo aq e afërt. Ndërkohë që Lul ka fqinjësi semantike me Ded Gjo Lulin dhe Lul Berishën, një figurë fort luftarake e jetës burrnore në qytetin antik të Durrësit.
Qoftë edhe vetëm në rroga deputetësh, buxheti i djathtësirës shqiptare është lënduar fort. Ata shkojnë e nervozojnë zonjën ambasadore, të dërguarën e perandorit Trump, që mund ta çojë rajonin për riestetizim lindor duke shfaqur atë që hitorian anglez Naigel Ferguson e quan ç’interesim durimhumbur amerikan.
Por tashmë, kemi një reformë elektorale të kryer. Vërtetë do të mungojë identifikimi elektronik në një prej hallkave të sistemit, apo ndoshta një mundësi për të votuar online? Diçka e tillë. Apo donin të votonin emigrantët?
Se si e bënë nuk e morëm vesh. Ndoshta edhe e morëm edhe kjo është idiferente. Në fakt kryministri i tha opozitës që ne jemi gati ta ofrojmë përmbushjen për këtë kusht të marrëveshjes vetëm zgjidhni një ekipin që e bën këtë punë dhe bëjeni.
Në fakt një mori kërkesash të tilla sikur kanë qenë në diskutim edhe para katër a pesë vjetësh, por si duket e harruan fletoren në klasë e tani e gjetën prap. Dhe e firmosën me besimin në sy që do ta gjejnë gjatë semestrit dhe sezonit e jo vetëm gjatë pjesës së fundit të sezonit të provimeve.
Aty veç zonjës ishin edhe shkëlqesitë e tyre ambasadorë nga gjithë Europa. Vetë ambasadori anglez mori mundimin e prishi çdo festë çaji që mund t’i rrinte aq bukur atij orari në pasditen e majit të dytë për të qenë aty. Soreka lejoi të përmendej afrimi i anëtarësimit në BE vetëm prej mirëkuptimit që ndodhte ndër heronj. Se po nuk u bë refoma zgjedhore gjithçka do të shkatërrohej.
Ndërkohë, Kosova, motra fatpadalë e atdheut tonë, rrëzoi për herë të dytë aspiratat e papatura të Vetëvendosjes për qeverim. Tani kemi një qeveri të LDK-së, me titullin që zoti Kurti nuk u ndruajt ta quajë qeveria koti. Por ajo është qeveria hoti, që është edhe një djgësirë e fortë, prej anglishtes. në secilin rast djegia tashmë është aty. Zonja Osmani, emblema e LDK-së në zgjedhjet e fundit vazhdon rrugën e ftohjes me lidershipin e partisë së vet. Kandidatja për kryeministre në zgjedhjet e legislaturës në vazhdim, tani kryeparlamentare, mungoi në mbështetje të shokut Avdullah; e bashkë me të mungoi edhe shoqja nënkryetare e parlamentit. Ndërkohë që atje gogoli nuk ka emrin reformë por marrëveshje. një biçim pokeri interkontinental do jepet lajv në youtube, po kosovarët që mos mërziten, zihen me njoni tjetrin, nën orientim e shpërndarësit të letrave. Fushata është ende jshtëzakonisht largë dhe fitorja ka gjasa të mos jetë aq e lumtur. Në Kosovë kujtimi vjeshtorodimëror është më i qartë, sidomos kur nuk jeton aty. Dhe i kalohet sërish pallatit të ëndrrave për shqyrtim.
Kur fillon qershori?
Sapo Presidenti të shpallë datën e zgjedhjeve? Zemra më thotë që kjo stinë e verës që do të nisë me datën e shpallur do të jetë një muaj dystinor, muaji i madh i periudhës zgjedhore pararendëse korrik-nëntor 2020. Në dhjetor, jo në janar, mirë mars, por jo. Në mars duam një dëshmor!
220 festa fetare ka për të patur ky muaj i qershorit, megjithëse luan me tre javë, ose më pak.
Nga aty ne do të shkojmë direkt në fushatë. Madje jo, fushata ka fillu.
Pozita u shfaq me kompromisin e majit për zgjedhje, plot një muaj para precedentit me kujtimin më të fortë. Por Meta ka këtu rastin që këshilltari ligjor të rrëmonte me ngut atë pasdite. Dhe ai e gjeti hutimin e fjalisë së tejgjatë, ku një debat i nxehtë mund ti japë dritë llambushkave, që ai të mund ta shquajë prenë. Opozita e vërtetë joprotagoniste
Mirëseerdhe o qershor që tu hëngrën qershitë që në majin që vetë e rrite!
Ps. Në qoftë se ky shkrim, ndonjëherë, rastësisht, mbërrin në vëmendjen e kryministrit do ti drojtoja një pyetje. Pse nuk po shkojnë në Skavicë për të mbush digën mbetjet e tërmetit andej-këndej zoti Rama? Ose të përdoren si peshë pranë këtij hidrocentrali për ruajtje të energjisë elektrike përmes ca vincave elektrikë që e mbledhin energjinë e rënies. Megjithëse po bëj shaka se mund të jetë shtrenjtë. Ose, pse nuk po ndërton një kondrinë të vogël në një nga qendrat e jashtme të Shijakut, thërrmoji pak e bëj një mal, e mbuloje me dhe e me gomë që të rrokullisen kalamajt poshtë e përpjetë.
Zgjedhjet po vijnë, një park kondrinor në Ultësirën Perëndimore me mbetjet e tërmetit është simbolikë e madhërishme dhe mund ti prihet shiriti nga të paktën tre anë. Për më tepër, edhe tenderi nuk ka pse të ketë turp.
Ndjesë që fusim hundët se votat janë tuajat, por pas albanistikës, pasioni i madh gazetaresko-kombëtar është në urbanistikën e aplikuar.
ꜥ Fotot atje sipër janë tre të parat që dalin kur kërkon 'Albania' në google. Jo images si kërkim, thjesht all, apo 'krejt', si i thonë. Ato, dy në anë japin për tërmetin, katër e ca ballësh që ra dje. Njëra prej gulfnews dhe tjetra prej albanian daily news, që duket se e ndjen pak nevojën për thriller tërmetor. Në mes protesta kundër indeferencës shoqërore për tjetrin e dashur nga exit.al.
Kurse këtu poshtë janë, ato tre që shfaqen në kërkimin për fjalën "Shqipëri".
Ato janë foto videosh, se faqja e parë e kërkimit nuk ka asnjë foto.
Dy në anë janë nga emisioni i Top Channel, "Ç'po ndodh tani në Shqipëri", kurse në mes është një pamje e ndeshjes Shqipëri-Turqi nga 2017-ta. Në anë me kovid, dhe në mes me futboll. Vini re, shtypi i shkruar i anglishtes, dhe videoshmëria e Shqipes.Vini re xhupin e reporteres në këtë kontroll qershori. Konsultoni googlin tuaj! Flini mirë!
RSS Feed
